Жаҳон рейтинги: Елена Рибакина тўртинчи, Александр Бублик 30-ўринга кўтарилди

Қозоғистоннинг энг яхши теннисчилари жаҳон рейтингида ўз кўрсаткичларини яхшилади, дея хабар беради Kazinform.

Аёллар теннис уюшмаси (WТА) томонидан янгиланган рейтингда Елена Рибакина америкалик Жессика Пегулани ортда қолдирди ва 5-ўриндан тўртинчи ўринга кўтарилди.

Шунингдек, Беларусь вакили Арина Соболенко, Польшалик Ига Швентек, ҳамда америкалик Кори Гауфф кучли учликда.

Яна бир қозоғистонлик Юлия Путинцева 66 дан 70 га тушиб кетди.

Жуфтлик баҳсларида Анна Данилина 32-дан 57-га, Е.Рибакина 115-дан 118-га, Жибек Қуламбаева 157-дан 160-га тушиб кетди. Жаҳон бўйича Д.Пегула биринчи, К.Гауфф иккинчи, австралиялик Сторм Хантер учинчи ўринда кетяпти.

Эркаклар ўртасида Профессионал теннисчилар уюшмаси (ATP) рейтингида кучли учлик ўзгаришсиз қолди: сербиялик Новак Жокович биринчи, испаниялик Карлос Алькарас иккинчи, россиялик Даниил Медведев учунчи ўринда.

Бельгиядаги Антверпен турнирида муваффақият қозонган Александр Бублик 36-ўриндан 30-ўринга кўтарилиб, ТОП-30 га кирди. Унинг жаҳон рейтингидаги рекор кўрсаткич - 25-ўрин. Жуфтлик баҳсларида америкалик Остин Крайчек, хорватиялик Иван Додиг ва нидерландиялик Уэсли Колхоф кучли учликдан жой олди.

Қозоғистонлик Александр Недовесов 43-дан 44-га кўтарилган бўлса, Швециядаги мусобақада ғолиб чиққан Андрей Голубев 62-дан 57-га кўтарилди.

Эслатиб ўтамиз, Андрей Голубев Швециядаги ATP турнири ғолибига айлангани ҳақида ёзган эдик.

Александр Бублик ҳам Бельгиядаги турнир чемпиони бўлди.

Муаллиф: Ғайсағали Сейтақ