07:36, 23 Октябрь 2023 | GMT +5
Андрей Голубев Швециядаги АТР турнирида ғолиб чиқди
Қозоғистонлик теннисчи Андрей Голубев Стокгольм (Швеция) АТР 250 турнирининг жуфтлик баҳсларида чемпион бўлди, деб хабар беради Кazinform.

Қозоғистонлик теннисчи украиналик Денис Молчанов билан биргаликда финалда ҳиндистонлик Юки Бхембри ва британиялик Жулиан Кэш билан бош соврин учун кураш олиб борди.
Қозоғистон-Украина жуфтлиги 7:6 (10:8), 6:2 ҳисобида зафар қучди ва чемпион бўлди.
Бир соат 37 дақиқа давом этган баҳсда А.Голубев - Д.Молчанов 1 та эйс амалга оширди ва 15 та брейк-пойнтдан учтасини фойдаланди. Рақиб дуэти 5 эйс, 1 брейк (3 брейк-пойнт) билан ажралиб туришди.