Жибек Қуламбаева Словакиядаги мусобақанинг ярим финалига йўлланма олди
ASTANА. Кazinform - Қозоғистонлик Жибек Қуламбаева Трнава (Словакия) ITF W75 турнирининг жуфтлик баҳсларида ярим финалга йўлланма олди.
Мусобақанинг 3-ракеткаси сифатида рўйхатдан ўтган Ж.Қуламбаева ва грециялик Сапфо Сакеллариди чорак финалда венгриялик Река-Лука Яни – Адриенн Надига қарши кортга чиқди.
Дастлабки партияда Қозоғистон-Греция жуфтлиги 6:4 ҳисобида устун келган бўлса, иккинчи сетда венгерияликлар ғалаба қозонишди – 6:3. Аммо супер тай-брейкда ғалаба Қуламбаева – Сакелларидига насиб этди.
Жибек Қуламбаева – Сапфо Сакеллариди учрашувнинг биринчи ракеткалари словениялик Далила Якупович – америкалик Сабрина Сантамарияга қарши финал йўлланмаси учун курашади.
Эслатиб ўтамиз, аввалроқ Зарина Дияс икки йилдан сўнг илк ғалабасини қўлга киритгани ҳақида хабар берган эдик.
Шунингдек, Александр Шевченко Рим мастерс турнирининг иккинчи босқичига чиқди.
Александр Бублик Рим мастерс турнирини жуфтлик баҳсларида ғалаба билан бошлади.
