Жибек Қуламбаева Сербиядаги турнирни муваффақиятли бошлади

ASTANA. Kazinform — Қозоғистонлик теннисчи, дунёнинг 294-ракеткаси Жибек Қуламбаева Куршумлийска Баня (Сербия) ITF W35 турнирининг 1/8 босқичига чиқди.

Турнирнинг 4-ракеткаси сифатида қайд этилган қозоғистонлик теннисчи россиялик Дарья Садиковага қарши яккалик баҳсида кортга чиқди.

Жибек биринчи сетда 4:6 ҳисобида мағлуб бўлганига қарамай, камбэк амалга оширишга муваффақ бўлди – 6:2, 6:3.

Қизиқарли кечган баҳс 2 соат 19 дақиқа давом этди.

Жибек Қуламбаева чорак финалга чиқиш учун дунёнинг 516-ракеткаси, Польша вакили Даря Кучер ёки 776-ўриндаги даниялик Ребекка Мунк-Мортенсен билан куч синашади.

Эслатиб ўтамиз, аввалроқ Бейбит Жуқаев Чикагодаги турнирда рақибини камбэк эвазига мағлуб этгани ҳақида хабар берган эдик.