Юлия Путинцева янги мавсумни Брисбен турнирида бошлайди

ASTANA. Kazinform - Қозоғистоннинг иккинчи, жаҳоннинг 29-ракеткаси Юлия Путинцева 29 декабрдан 5 январга қадар Брисбен шаҳрида (Австралия) бўлиб ўтадиган WТА 500 турнирида иштирок этади.

Бу қозоғистонлик теннисчининг янги мавсумдаги илк мусобақаси бўлади.

Турнирнинг 15-ракеткаси сифатида рўйхатдан ўтган Ю.Путинцева мусобақани иккинчи даврадан бошлайди. У дунёнинг 38-ракеткаси, Польша вакили Магда Линетт ёки рейтингда 67-ўринни эгаллаб турган америкалик Маккартни Кесслер билан куч синашади.

Агар Ю.Путинцева учинчи босқичга чиқса, дунёнинг 1-ракеткаси беларуслик Арина Соболенко билан учрашиш эҳтимоли бор.

Ўтган мавсумда Елена Рибакина ушбу мусобақа ғолибига айланди. Бу йил у Сидней ва Пертда ўтказилаётган United Cup турнирни танлади.

Эслатиб ўтамиз, аввалроқ теннис бўйича United Cup турнири: Қозоғистон терма жамоаси Испанияни мағлуб этгани ҳақида ёзган эдик.