Юлия Путинцева Хитойдаги турнирда Олимпиада совриндорини мағлуб этди

ASTANА. Кazinform - Қозоғистоннинг иккинчи, дунёнинг 35-ракеткаси Юлия Путинцева Уханда (Хитой) WТА 1000 турнирининг учинчи босқичига йўл олди.

Қозоғистонлик теннисчи иккинчи даврада дунёнинг 18-ракеткаси, Париж Олимпиадаси кумуш медали совриндори хорватиялик Донна Векичга қарши кортга чиқди. Биринчи партияда Путинцева 6:4 ҳисобида ғалаба қозонди. Иккинчи сетда Векич ҳисобни тенглаштирди - 6:3.

Учинчи, ҳал қилувчи сетда ҳисоб 5:3 бўлиб турганида Юлия матчбол ишлади, аммо имкониятдан фойдалана олмади. Бироқ у ўйинни навбатдаги брейк билан якунлади – 6:4.

Икки ярим соат давом этган баҳсда Путинцева 16 та брейк-пойнтдан 7 тасини ва 1 та эйсни қайд этди. Векич 2 та эйс, 6 та брейк (14 та брейк) билан ажралиб турди.

Юлия Путинцева чорак финалга чиқиш учун дунёнинг иккинчи, ушбу турнирнинг 1-ракеткаси, беларуслик Арина Соболенко ёки рейтингда 37-ўринни эгаллаб турган чехиялик Катержина Синякова билан рақобатлашади.

Эслатиб ўтамиз, аввалроқ Хитойдаги турнир қозоғистонлик теннисчилар учун муваффақиятли бошлангани ҳақида ёзган эдик.