Ўзбекистон Аргентинадан 482 тонна лимон импорт қилган

TASHKENT. Kazinform - Миллий статистика қўмитаси маълумотларига кўра, Ўзбекистонга 2025 йил январь-сентябрь ойларида 11 та хорижий давлатдан қиймати қарийб 2,2 млн АҚШ долларига тенг бўлган 6 476 тонна лимон импорт қилинган.

“Импорт ҳажми ўтган йилнинг мос даврига нисбатан 8 360 тоннага ёки 2,3 баробарга камайган”, - дейилади хабарда.

2025 йилнинг 9 ойида Ўзбекистонга энг кўп лимон етказиб берган давлатлар:

Тожикистон – 2 107 тонна;

Туркия – 1 968 тонна;

Хитой – 1 034 тонна;

Аргентина – 482 тонна;

Қозоғистон – 331 тонна;

Бошқа давлатлар– 554 тонна.

Эслатиб ўтамиз, аввалроқ Ўзбекистонда хусусий мактаблар сони 4,5 баробарга ошгани ҳақида хабар бергандик.

Ўзбекистонда цемент импорти 8,6 баробарга камайган.