Уимблдон: Юлия Путинцева дунёнинг собиқ биринчи ракеткасини мағлуб этди

ASTANА. Кazinform - Қозоғистоннинг иккинчи, жаҳоннинг 35-ракеткаси Юлия Путинцева Уимблдон турнирининг иккинчи босқичига йўл олди.

Қозоғистонлик теннисчи биринчи даврада “Катта дубулға”нинг уч карра чемпиони, дунёнинг собиқ 1-ракеткаси, айни дамда 221-ўринни эгаллаб турган германиялик 36 ёшли Анжелика Кербер билан тўқнаш келди.

Учрашувни Путинцева интенсив бошлади - 3:0. Шундан сўнг Кербер ҳисобни тенглаштирди, бироқ қозоғистонлик спортчи имкониятни бой бермади – 7:5.

Иккинчи сетда ҳисоб 4:3 бўлганида Юлия брейк қилди ва учрашувни ғалаба билан якунлади – 6:3. Бир соату 17 дақиқа давом этган ўйинда у иккита эйс билан бирга бешта брейк-пойнтдан учтасини фойдаланди. Кербер 4 брейкдан фақат биттасини ишлатди.

Юлия Путинцева учинчи босқичга чиқиш учун дунёнинг 36-ракеткаси чехиялик Катерина Синякова ёки рейтингда 164-ўринни эгаллаб турган канадалик Марина Стакушич билан куч синашади.

Ю.Путинцева ўтган йили Уимблдон мусобақасининг биринчи босқичидан ўта олмаганди.

Эслатиб ўтамиз, аввалроқ Елена Рибакина Уимблдон турнирини ғалаба билан бошлагани ҳақида ёзган эдик.