Қозоғистонлик ёш теннисчи Жанубий Кореядаги мусобақада ғолиб чиқди

Қозоғистонлик ёш теннисчи Жанубий Кореядаги мусобақада ғолиб чиқди
Фото: ktf.kz

Жанубий Кореяда ўсмирлар ўртасида иккинчи тоифали ITF Juniors - J300 WANJUтурнири якунланди, деб хабар беради Kazinform агентлиги.

Қозоғистон теннис федерациясидан маълум қилишларича, нуфузли мусобақада Амир Омарханов (200 ITF Juniors) иштирок этди.

Қозоғистонлик теннисчи учинчи даврада ўсмирлар ўртасида дунёнинг 45-поғонасида турган, турнирнинг иккинчи ракеткаси жанубий кореялик Жангжун Кимни 6:7, 7:6, 6:3 ҳисобида мағлуб этди.

Чорак финалда Амир яна бир корт эгаси Юн Сун Йонгни мағлуб этди - 6:3, 6:3.

Ярим финалда ўсмирлар ўртасида дунёнинг 41-ракеткаси австралиялик Хайден Жонсдан устун келди – 6:1, 6:0.

Ғолиблик учун баҳсда Қарағанди теннис мактаби битирувчиси 61-ўринни эгаллаган ҳиндистонлик Юван Нандалдан устун келди – 6:2, 6:2.

Шу тариқа Амир Омархонов ITF Juniors мусобақасидаги тўртинчи чемпионликни қўлга киритди.

Озарбайжон пойтахти Боку шаҳрида 14 ёшгача бўлган ўсмирлар ўртасида Tennis Europe турнири якунланди.

Кристина Курученко финалга чиқди ва россиялик Юлия Мякоткинага йўл берди - 2:6, 1:6.

Линара Болешева эса Даяна Жақипбаева билан биргаликда россиялик Ю.Мякоткина – Алиса Терентьевани 6:3, 5:7, 17:15 ҳисобида мағлуб этди.

Яна бир қозоғистонлик Михаил Мишченко россиялик Яков Гризнов билан биргаликда сўнгги турда россиялик Тимур Гордеев – Алексей Ильинни ортда қолдирди – 6:7, 6:2, 10:8.

Эслатиб ўтамиз, аввалроқ Қозоғистонлик теннисчиларнинг жаҳон рейтингидаги ўрни маълум бўлгани ҳақида ёзган эдик.

Сўнгги хабарлар
telegram