Қозоғистонлик теннисчиларнинг жаҳон рейтингидаги ўрни маълум бўлди

Аёллар теннис ассоциацияси (WТА) янгиланган жаҳон рейтингини эълон қилди, деб хабар беради Кazinform.

Жаҳон рейтингида пешқадамлар ўзгаришсиз қолди, беларуслик Арина Соболенко, Польша вакили Ига Швентек ва америкалик Кори Гауфф ҳамон кучли учликдан жой олишди.

Қозоғистоннинг биринчи, дунёнинг 5-ракеткаси Елена Рибакина 5-ўринда қолган бўлса, Юлия Путинцева 75-ўриндан 68-ўринга кўтарилди.

Жуфтлик бахсларда Анна Данилина 32, Е.Рибакина 116 ўринда қолди, Жибек Қуламбаева эса 152-ўриндан 154-ўринга тушиб кетди.

Елена Рибакина энди 29 октябрдан 5 ноябргача Мексиканинг Канкун шаҳрида бўлиб ўтадиган WТА турнирига тайёргарлик кўради.

Юлия Путинцева бугун Гонконгдаги WТА 250 турнирининг биринчи даврасида россиялик Анна Блинковага қарши кортга чиқади.