Қозоғистон ва Ўзбекистон ўртасида 4 та қўшимча савдо йўлаклари очилиши мумкин

TASHKENT. Kazinform – Ўзбекистон томони Қозоғистон билан ўртадаги товар айирбошлаш ҳажмини ошириш мақсадида 4 та қўшимча савдо йўлакларини очишни режалаштирмоқда, деб хабар беради Kazinform агентлигининг Ўзбекистондаги мухбири Алихан Асқар.

Жетису вилояти тадбиркорлари билан учрашган Ўзбекистоннинг Қозоғистондаги Фавқулодда ва мухтор элчиси Бахтиёр Ибрагимов мазкур ташаббуснинг амалга оширилиши ҳақида гапирди.

Бундан ташқари, дипломатик миссия раҳбари Ўзбекистоннинг иқтисодий алоқаларни ривожлантиришга қаратилган чора-тадбирларини тавсифлаб берди. Хусусан, Тошкент давлат чегараларидаги назорат-ўтказиш пунктларини таъмирланмоқда. Унинг сўзларига кўра, бу товар айирбошлаш ҳажмининг ошишига бевосита хизмат қилади.

Эслатиб ўтамиз, Тошкентда Қозоғистоннинг, Астанада Ўзбекистоннинг савдо маркази қурилиши мумкин.

Айтиш жоизки, бугунги кунда Ўзбекистонда Қозоғистон капитали иштирокида мингдан ортиқ корхона фаолият юритмоқда. Айни пайтда икки давлат ўртасидаги минтақалараро алоқалар мустаҳкамланиб бормоқда.

Ўтган йили Қозоғистон ва Ўзбекистон ўртасидаги товар айирбошлаш ҳажми 4,2 миллиард доллардан ошди.