Исроил 24 соат ичида ўз қўшинларини Ливан жанубидан олиб чиқади

ASTANA. Kazinform – ЦАХАЛ сулҳ битими доирасида яқин 24 соат ичида ўз қўшинларини Ливан жанубидан олиб чиқиб кетади, лекин Исроил қўшинлари бешта стратегик позицияда қолади. Бу ҳақда Ynet портали маълум қилди, деб ёзади ТАСС.

Kan радиосига кўра, Исроил мудофаа кучлари (ЦАХАЛ) шиа Ҳизбуллоҳ жангариларининг қайта тикланишига йўл қўймаслик учун Ливан жанубида бешта позицияда қолади. ЦАХАЛнинг қанча вақт у ерда бўлиши ҳозирча номаълум.

Аввалроқ Исроил ва Ливан қўшинларни олиб чиқиш бўйича келишувни 18 февралгача узайтирган эди.

Эслатиб ўтамиз, Европа Иттифоқи Ливан билан ҳамкорликни тиклашга тайёрлигини билдирди.