Елена Рибакина: Яна бир Катта дубулға турнирида ғолиб чиқишни хоҳлайман

ASTANA. Kazinform – Қозоғистоннинг биринчи, дунёнинг еттинчи ракеткаси Елена Рибакина «Jibek Joly» телеканалига эксклюзив интервью берди. Суҳбат давомида у Билли Джин Кинг Кубоги саралаш босқичи доирасида бугун Астанада ўтадиган Польша билан ўйинга тайёргарлик, спортдаги режаси ва жаҳон теннис юлдузлари орасида ўзига кимларни рақиб деб билиши ҳақида гапирди, деб хабар беради Kazinform мухбири.

– Елена, вақт ажратганингиз учун раҳмат. Мен асосий саволдан бошлайман. Билли Джин Кинг Кубоги сизнинг карерангиздаги биринчи соврин эмас. Масалан, Қозоғистон терма жамоаси кутилмаганда Буюк Британияни ҳайратда қолдирган Глазгодаги ўйин ҳақида кўпчилик ёзмоқда ва гапирмоқда. Бугун бошланадиган кубокда сиз ўзингиз ва жамоа олдига қандай вазифа қўйгансиз? Жамоадаги муҳит қандай? Нима кутяпсиз? Кайфиятингиз қалай?

– Албатта, мақсад ғалаба қозониш. Менимча, биз кучли жамоамиз. Биз қўлимиздан келганича ҳаракат қиламиз. Жамоадаги муҳит юқори даражада. Умид қиламанки, биз яхши ҳаракат қиламиз ва ғалаба қозонамиз. Бундай турнирларда ҳиссиётлар устунлик қилади деган бўлардим. Менимча, ҳамма хавотирда, бир томондан бу қизлар учун катта тажриба.

– Охирги икки йил давомида жуда муваффақиятли ва омадли ўйин кўрсатяпсиз. АҚШдаги Уимблдон ва Индиан-Уэллс мусобақаларида ғалаба қозониб, Australian Open, Miami турнирларида финалга чиқдингиз. Руҳий ва жисмонан шундай даражага эришиш сизга қийин бўлмадими? Бу йилги режа қандай?

– Албатта, «Катта дубулға» турнирида ғалаба қозониш осон эмас. Охирги ғалабаларнинг барчаси бутун жамоанинг ажойиб меҳнати ва мен учун катта тажриба. Келажакда бу йўлдан қайтмаслик, ўйинни яхшилаш ва ҳар томонлама олдинга интилиш керак. Келажакда яна бир «Катта дубулға»да ғолиб чиқишга умид қиламан.

– Ҳозир қандай турнирларга тайёргарлик кўряпсиз?

– Энди режа бўйича олдинда Штутгарт турнири бор. Кейин Рим, Мадриддаги йирик турнирлар ва Катта дубулға (Ролан Гаррос - таҳр.) бор.

– Катта натижаларга эришишни мақсад қилгансиз. Спортдан ташқари бирор нарсага вақтингиз борми, бўш вақтингизда нима билан шуғулланасиз?

– Спортдан ташқари кўп ишлар билан шуғулланаман деб айта олмайман. Чунки вақт қисқа. Мен бўш вақтимни оилам билан ўтказаман. Мен имкон қадар яқинларим билан бирга бўлишга ҳаракат қиламан.

– Кимларни асосий рақиб деб биласиз?

– Кучли спортчилар етарли. Уларнинг кўпчилиги билан ўйнаган ўйин мен учун осон бўлмади. Арина Соболенко йил бошидан менинг рақибларимдан бири бўлса керак. Ўйнаш осон бўлмаса-да, мағлуб этишни хоҳлайдиган теннисчилар кўп. Крейчикова жуда кучли теннисчи, энди Онс Жабер теннисга қайтди ва турнирда ғолиб чиқди. Ундан ташқари Ига Швентек ҳам бор. Рақиблар етарли.

– Суҳбат учун раҳмат!

Эслатиб ўтамиз, куни кеча ҚР Президенти Елена Рибакинани қабул қилди.

Елена Рибакина ҚР Президентига китоб совға қилди.

Шунингдек, ОАВ вакилларининг саволларига жавоб берар экан, спортчи қозоғистонлик мухлисларга алоҳида миннатдорлик билдирди.

Муаллиф: Даулет Изтилеу