Елена Рибакина Штутгарт турнирининг чорак финалига чиқди

ASTANА. Кazinform — Қозоғистоннинг биринчи ва дунёнинг 2-ракеткаси Елена Рибакина Штутгарт (Германия) WТА 500 турнирини ғалаба билан бошлади.

1-ракетка сифатида рўйхатга олинган ва турнирга иккинчи босқичда кирган қозоғистонлик теннисчи WТА рейтингида 19-ўринни эгаллаган россиялик Диана Шнайдерни синовдан ўтказди.

Биринчи сетда Елена 4:1 ҳисобида олдинга чиқиб олди ва бу етакчиликни сақлаб қолди — 6:3.

Иккинчи сетда ҳисоб 4:4 бўлганида у брейк қилишга муваффақ бўлди — 6:4.

1 соат 14 дақиқа давом этган ўйинда Рибакина 4 та брейк-пойнтнинг ярмини ва 9 та эйсни қўлга киритди. Шнайдер 1 та эйс билан чекланган эди.

Елена Рибакина ярим финалга чиқиш учун дунёнинг 25-ракеткаси канадалик Лейла Фернандес ёки 79-ўриндаги туркиялик Зейнеп Сенмез билан рақобатлашади.

Е. Рибакина 2024 йилда Штутгартда чемпион бўлган. Ўтган йили у Қозоғистон терма жамоасида ўйнагани учун қатнашмаган эди. Шунинг учун бу йил у рейтинг очколарини тўлдириш учун яхши имкониятга эга.

Эслатиб ўтамиз, Александр Бублик жаҳон рейтингининг ТОП-ўринларига қайта оладими ёки йўкми, деган саволларга жавоб излаган эдик.