Бейбит Жуқаев Қозоғистоннинг иккинчи ракеткаси бўлди
Профессионал теннисчилар уюшмаси (АТР) яккалик ва жуфтлик баҳсларида янгиланган жаҳон рейтингини эълон қилди, деб хабар беради Kazinform.
Қозоғистоннинг биринчи ракеткаси Александр Бублик 33 дан 32 га кўтарилди.
АҚШнинг Шарлотсвилл челленжер турнирида муваффақият қозонган 23 ёшли Бейбит Жуқаев 247-ўриндан дарҳол 52 поғонага кўтарилиб, дунёнинг 195, Қозоғистоннинг иккинчи ракеткасига айланди.
Михаил Кукушкин 213-ўринда қолди, Тимофей Скатов 211-дан 216-га, Денис Евсеев 238-дан 239-га тушиб кетди.
Париждаги мастерс турнири ғолиби Новак Жокович ҳамон пешқадам, испаниялик Карлос Алькарас иккинчи, россиялик Даниил Медведев учинчи ўринда.
Александр Недовесов жуфтлик баҳсларида 47-ўриндан 48-ўринга тушиб кетган бўлса, Андрей Голубев 63-ўринда қолди.
Эслатиб ўтамиз, аввалроқ теннисчи Бейбит Жуқаев АҚШда ўтказилган челленжер мусобақасида чемпион бўлгани ҳақида ёзган эдик.
