Бейбит Жуқаев АҚШда бўлиб ўтган челленжер мусобақасида чемпион бўлди

Қозоғистонлик Бейбит Жуқаев АҚШнинг Шарлотсвилл шаҳрида бўлиб ўтган челленжер турнирида чемпион бўлди, деб хабар беради Kazinform.

Дунёнинг 247 ракеткаси Б.Жуқаев бош соврин учун дунё рейтингида 376-ўринни эгаллаб турган 20 ёшли америкалик Эйдан Мейо билан куч синашди.

Дастлабки ўйинда ҳисоб 4:3 бўлганида қозоғистонлик теннисчи брейк қилишга муваффақ бўлди – 6:3.

Иккинчи сетда Бейбит навбатдаги брейкни амалга оширди ва олдинга ўтди - 4:2. Б.Жуқаев учинчи сетда учрашувни ғалаба билан якунлади - 6:4.

Бир соату 15 дақиқа давом этган баҳсда Б.Жуқаев 11та эйс амалга оширди ва бешта брейк-пойнтнинг иккитасидан фойдаланди. Рақиб 6 та эйс билан ажралиб турди.

Ушбу ғалаба эвазига Бейбит Жуқаев кучли 200 теннисчи қаторига кириб, Қозоғистоннинг Александр Бубликдан кейинги иккинчи ракеткасига айланди.