Анна Данилина Монтеррейда асосий турнирга йўлланма олди

ASTANA. Kazinform - Қозоғистонлик теннисчи Анна Данилина яккалик баҳсларида Монтеррей (Мексика) WТА 500 турнирининг саралаш баҳсларини муваффақиятли ўтказди.

Жаҳон рейтингида 951-ўринни эгаллаб турган қозоғистонлик теннисчи саралаш баҳслари финалида дунё рейтингида 278-ўринни эгаллаб турган Исроил вакили Лина Глушкони мағлуб этди.

Биринчи ўйинда Данилина 6:3 ҳисобида, иккинчи сетда ҳисоб 3:3 бўлганида Анна брейк қилди ва ўз устунлигини қўлдан бой бермади – 6:4.

Бир соату 20 дақиқа давом этган мусобақада Данилина 9 та брейк-пойнтдан 3 таси ва 2 та эйсдан фойдаланди. Глушко 5 та эйс, 1 та брейк (4 та брейк-пойнт) билан ажралиб турди.

Шу тариқа Анна Данилина Монтеррейда асосий мусобақага йўлланма олди. Буни шов-шувли натижа деб аташ мумкин.

Эслатиб ўтамиз, аввалроқ Юлия Путинцева Цинциннатида жуфтлик баҳсларида илк бор WТА 1000 турнири финалига чиққани ҳақида ёзган эдик.

 

Муаллиф: Ғайсағали Сейтақ