Александр Бублик Аделаида турнирининг ярим финалига чиқди

Қозоғистоннинг биринчи, дунёнинг 31-ракеткаси Александр Бублик Аделаида (Австралия) шаҳрида ўтказилаётган АТР 250 турнирининг ярим финалига чиқди, деб хабар беради Каzinform.

Қозоғистонлик теннисчи чорак финалда дунёнинг 25, ушбу мусобақанинг 4-ракеткаси италиялик Лоренцо Музеттига қарши кортга чиқди.

Биринчи партияда Бублик рақибидан устун келди - 6:3. Иккинчи сет давомида италиялик спортчи олдинга ўтган бўлса-да, Александр тарози мувозанатини тиклай олди. Аммо у тай-брейкда кўпроқ хатога йўл қўйди - 6:7 (4:7).

Учинчи сетда Александр устун келди. У Музеттини 7:5 ҳисобида мағлуб этди.

2 соат 35 дақиқа давом этган теннис баҳсида Бублик 17 та эйс амалга оширди ва 14 та брейк-пойнтнинг бештасидан фойдаланди. Музетти эса 3 та эйс, 3 брейк (8 брейк-пойнт) билан ажралиб турди.

Қозоғистонлик теннисчи финалга чиқиш учун дунёнинг 14, ўйиннинг 1-ракеткаси америкалик Томми Пол ёки 62-ўринни эгаллаб турган британиялик Жек Дрепер билан учрашади.

Эслатиб ўтамиз, аввалроқ Елена Рибакинанинг Australian Open турниридаги илк рақиби аниқлангани ҳақида ёзган эдик. Александр Недовесов ҳам Австралиядаги мусобақада ярим финалга ўтди.