Александр Недовесов Австралиядаги мусобақанинг ярим финалига чиқди
Қозоғистоннинг жуфтлик баҳсларидаги биринчи, дунёнинг 46-ракеткаси Александр Недовесов Аделаида (Австралия) шаҳрида ўтказилаётган АТР 250 турнирининг ярим финалига йўл олди, деб хабар беради Kazinform.

Чорак финалда қозоғистонлик теннисчи эквадорлик Гонсало Эскобар билан биргаликда германияликлар Константин Францен – Хендрик Йебенс жуфтлигига қарши кортга чиқди.
Қозоғистон-Эквадор жуфтлиги биринчи сетни 6:3 ҳисобида якунлади. Иккинчи сетда ҳам худди шундай ҳисоб (6:3) қайд этилди.
Бир соату 13 дақиқа давом этган баҳсда А.Недовесов – Г.Эскобар бешта брейк-пойнтдан учтасини ўз фойдасига яратишга муваффақ бўлди. Рақиб жуфтлиги 7 та эйс билан ажралиб турди.
Энди улар финалга чиқиш учун мусобақанинг 2-ракеткалари ҳиндистонлик Рохан Бопанна ва австралиялик Мэттью Эбден билан куч синашади.
Эслатиб ўтамиз, аввалроқ Дмитрий Попко Буэнос-Айресдаги турнирнинг чорак финалига йўлланма олгани ҳақида хабар берган эдик. Шунингдек, Елена Рибакинанинг Австралия очиқ чемпионатидаги илк рақиби маълум бўлди.
Муаллиф: Ғайсағали Сейтақ