4 нафар қозоғистонлик теннисчи Ролан Гаррос турнирининг саралаш баҳсларида иштирок этади
ASTANА. Кazinform - “Катта дубулға” мусобақаси – эркаклар ўртасидаги Франция очиқ чемпионатининг саралаш турнирида 4 нафар қозоғистонлик теннисчи куч синашади.
Дунё рейтингида 174-ўринни эгаллаб турган Бейбит Жуқаев душанба куни бошланадиган саралаш баҳсларининг чорак финалида дунё рейтингида 167-ўринни эгаллаб турган аргентиналик Хуан Мануэль Cерундоло билан куч синашади.
177-ўринни эгаллаб турган Денис Евсеев дунё рейтингида 237-ўринни эгаллаб турган Адриан Андреев билан учрашади.
Дунёнинг 223-ракеткаси Дмитрий Попко дастлабки учрашувда рейтингда ундан етти поғона пастда жойлашган франциялик Валентин Ройени мағлуб этишга ҳаракат қилади. Яна бир қозоғистонлик, дунёнинг 134-ракеткаси Михаил Кукушкин 148-ўриндаги швейцариялик Леандро Ридига қарши кортга чиқади.
Саралаш баҳслари 24 май куни якунланади.
Йилнинг асосий мусобақаларидан бири ҳисобланган Ролан Гаррос турнири 26 майдан 9 июнга қадар бўлиб ўтади.
Эслатиб ўтамиз, аввалроқ Александр Недовесов Италиядаги турнирнинг чорак финалига чиққани ҳақида хабар берган эдик.
