Жанубий Корея президентига мамлакатни тарк этиш тақиқланиши мумкин

ASTANA. Kazinform – Мамлакатни тарк этишни тақиқлаш Юн Сок Елm томонидан эълон қилинган ҳарбий ҳолат билан боғлиқ текширувлар учун зарур, деб хабар беради Yonhap ахборот агентлиги.

"Аввал биз керакли материалларни йиғишимиз керак", – деди юқори мартабали полиция ходими Ву Чжон Су матбуот брифингида.

Полиция президентни шахсан сўроқ қилиш имкониятини истисно этмади.

“Биз ҳар томонлама таҳлил қилиб, унинг мамлакатни тарк этиш эҳтимолини ҳисобга олган ҳолда қарор қабул қиламиз. Тергов объектида ҳеч қандай инсоний ёки жисмоний чекловлар йўқ”, – дея қўшимча қилди у.

Агентлик маълумотларига кўра, мамлакатнинг собиқ ички ишлар вазири Ли Санг Минга хорижга чиқиш аллақачон тақиқланган.

Эслатиб ўтамиз, ўтган ҳафта президент Юн Сок Ёль қисқа муддатга ҳарбий ҳолат эълон қилганидан сўнг, прокурорлар собиқ мудофаа вазири Ким Ён Хённи давлатга хиёнатда гумон қилиб, ҳибсга олган эди.

Бунгача Жанубий Кореяда фавқулодда ҳолат жорий қилинган эди. Бироқ парламент уни бекор қилишга овоз берди.

3 декабрь куни президент Юн Сок Ёль Жанубий Кореяда ҳарбий ҳолат эълон қилди.

Чоршанба куни Жанубий Корея мудофаа вазири Ким Ён Хён ҳам президент Юн Сок Ёльнинг ҳарбий ҳолат жорий этиш ҳаракатидан хавотирга тушгани учун узр сўраб, истеъфога чиқишни таклиф қилди.

Жанубий Корея президенти Юн Сок Ёль мудофаа вазири Ким Ён Хённинг истеъфосини қабул қилди.

Асосий мухолифатдаги Демократик партия президент Юн Сок Ёльга ҳарбий ҳолат жорий этгани ва кейинроқ бекор қилингани учун импичмент эълон қилиш учун овоз бериш ниятида эканини айтди.

Жанубий Корея президенти ҳарбий ҳолат жорий қилгани учун узр сўради.

Жанубий Корея президентига импичмент эълон қилиш таклифи бекор қилинди.