Ўзбекистонда электромобиль импорти қарийб 4 баробарга ошди
Ўзбекистон Республикаси Давлат статистика қўмитаси маълумотларига кўра, 2023 йилнинг январ-май ойларида Ўзбекистонга 120 миллион долларлик 3816 та электромобиль импорт қилинган. Ўтган йилнинг мос даврига нисбатан электромобиллар импорти 2 минг 846 донага ёки қарийб 4 баробарга ошди.
Қўмитанинг қўшимча қилишича, электромобилларнинг асосий етказиб берувчиси Хитой бўлиб, импортнинг асосий улуши – 3480 та электромобилга тўғри келади. Иккинчи ўринда Гонконг - 256 бирлик. Шунингдек, етказиб беришнинг кичик қисми Германиядан – 42 та электромобиль, Бирлашган Араб Амирликларидан – 16 та, Жанубий Кореядан – 11 та ва АҚШдан – 6 донадан келади.
Аввалроқ Ўзбекистон раҳбари Шавкат Мирзиёев яқин икки йилда электромобилларнинг оммабоп моделларини ишлаб чиқаришни йўлга қўйиш ва автотураргоҳлар, ёқилғи қуйиш шохобчалари ва автомобиль йўлларида 2 мингта қувватлантириш шохобчаларини ўрнатиш орқали хизмат кўрсатиш инфратузилмасини кенгайтириш бўйича топшириқ бергани ҳақида хабар берилган эди.
Муаллиф: Мадибек Жанибеков
