Юлия Путинцева Брисбен турнирининг учинчи босқичига йўл олди
ASTANА. Кazinform – Дунё рейтингида 29-ўринни эгаллаб турган қозоғистонлик теннисчи Юлия Путинцева Брисбен (Австралия) WТА 500 турнирининг учинчи босқичига чиқди.
Турнирнинг 15-ракеткаси сифатида қайд этилган ва иккинчи босқичда старт олган Юлия Путинцева дунёнинг 67-ракеткаси америкалик Маккартни Кесслерни мағлуб этди.
Биринчи сетда 6:2 ҳисоби қайд этилган бўлса, иккинчи сетда Путинцева 7:5 ҳисобида зафар қучди.
Бир соату 42 дақиқа давом этган учрашувда Юлия учта эйсдан ташқари ўзининг тўққизта брейк-пойнтидан учтасини ишлатди. Эйс амалга ошира олмаган Кесслер иккита брейк-пойнтни ҳам фойдалана олмади.
Юлия Путинцева чорак финалга йўл олиш учун дунёнинг биринчи ракеткаси беларуслик Арина Соболенко ёки 75-ўринни эгаллаган мексикалик Рената Сарасуа билан тўқнаш келади.
29 декабрь куни Брисбен шаҳрида бошланган турнир 5 январ ькуни якунланади.
2024 йили Брисбен финалида А.Соболенкони мағлуб этган қозоғистонлик Елена Рибакина чемпион бўлган бўлса, Ю. Путинцева иштирок этмади.
Путинцева WTA live рейтингида 26-ўринга кўтарилди. Агар у бу ўрнини сақлаб қолса, бу унинг жаҳон рейтингидаги рекорди бўлади.
Эслатиб ўтамиз, аввалроқ Қозоғистон терма жамоаси United Cup турнирида ўтган йилги чемпион билан ўйнаши ҳақида хабар берган эдик.
