Юбэнк ва Бенн битта жанг учун қанча гонорар олади

ASTANA. Kazinform - 26 апрель куни Буюк Британиянинг Лондон шаҳрида катта профессионал бокс турнири бўлиб ўтади, деб хабар беради Kazinform агентлиги championat.comга таяниб.

"Тоттенхэм" клубига тегишли "Tottenham Hottspur Stadium"да ўтадиган оқшомнинг асосий жангида икки британиялик боксчилар - Крис Юбэнк ва Конор Бенн ўзаро тўқнаш келади. Ўрта вазн тоифаси вакилларининг ўзаро жангига бўлган қизиқиш жуда юқори.

Крис Юбэнк ва Конор Бенн фаолиятларидаги энг катта гонорарни ҳам айнан британ дербисидаги жангларидан олишади. Юбэнк 13,3 млн, Бенн эса 10,6 млн АҚШ доллари миқдорида кафолатланган гонорарга эга бўлади.

Крис Юбэнк ўзининг сўнгги жангини 2024 йилнинг октябрь ойида Камил Шереметга қарши ўтказиб, рақибини еттинчи раундда техник нокаутга учратганди. Бенн эса 2024 йилнинг февралида Питер Добсондан очколар ҳисобига кўра устун келган эди.

Эслатиб ўтамиз, ўзбекистонлик Руслан Абдуллаев АҚШда ғалабага эришгани ҳақида хабар берган эдик.