Профессионал бокс: Руслан Абдуллаев АҚШда ғалабага эришди
TASHKENT. Kazinform - Бугун, 20 апрель куни АҚШнинг Калифорния штати Оушенсайд шаҳрида ўтказилган профессионал бокс оқшомида ўзбекистонлик Руслан Абдуллаев филиппинлик Жино Родриго билан 8 раундлик жанг ўтказди, деб хабар беради UzA.
Ҳаваскор бокс бўйича қитъа ва жаҳон чемпионлигига эришган, 2021 йили Ўзбекистоннинг энг яхши боксчиси сифатида “Руфат Рисқиев кубоги” соҳиби бўлган Руслан Абдуллаев жангни тўлиқ ўз назоратида ўтказди. Баҳснинг 5-раундида Абдуллаев рақибини нокдаун ҳолатига келтирди.
Тўлиқ давом этган жангда ҳакамларнинг баҳолашига кўра, ўзбекистонлик боксчи 80-71, 80-71, 80-71 ҳисобларида муваффақиятга эришди ва профессионал боксдаги иккинчи жангидаёқ “WBA Continental” камари соҳиби бўлди.
Эслатиб ўтамиз, авалроқ Руслан Абдуллаевнинг профессионал боксдаги иккинчи жанги санаси маълум қилингани ҳақида хабар берган эдик.
