Япония шимолида қалин қор ёғди
АSTANА. Kazinform - Япониянинг Хоккайдо ороли ҳудудий ҳокимияти маълумотларига кўра, оролнинг шарқий қисмида 12 соат ичида 1,29 метргача қор ёғди, деб хабар беради BILD.
Қалин қор ёғиши сабабли жамоат транспорти ҳаракати тўхтатилиб, йўллар ёпилган. Аҳолига ўта зарурат бўлмаса, уйларини тарк этмаслик тавсия қилинди.
Айниқса, қор билан қопланган Обихиро шаҳрида вазият оғир. Оролдаги 370 та мактаб ёпилган, барча жамоат транспорти қатнови тўхтатилган. Одамларга саёҳат қилишдан қочиш, агар улар ташқарига чиқишга мажбур бўлсалар, ўзлари билан озиқ-овқат ва иссиқ кийим олиб кетишлари тавсия қилинди.
Метеорологлар қор бўрони қор кўчкисини келтириб чиқариши мумкинлигидан огоҳлантирмоқда. Йўлларда ҳам вазият оғир – автомашиналар қорда қолиб кетган, кўчаларни тозалаш учун оғир техникалар сафарбар этилган.
Эслатиб ўтамиз, аввалроқ Япония қандолатчилик бўйича жаҳон чемпионатида ғолиб чиққани ҳақида хабар берган эдик.
