Вашингтондаги дарёдан ҳарбий вертолёт қолдиқлари топилди

ASTANA. Kazinform – Потомак дарёсидаги қутқарув экипажи ўтган ҳафтада самолёт билан тўқнашиб кетган «Black Hawk» ҳарбий вертолётининг қолдиқларини топди.

Расмийларга кўра, самолёт ва вертолётнинг барча асосий қисмлари фожиа сабабларини аниқлаш учун экспертлар ва терговчиларга юборилган.

Қутқарув хизматлари ҳозирда самолётнинг кичик бўлакларини қидиришга ўтган. Қидирув яна 10 кун давом этади. Миллий океан ва атмосфера бошқармаси сувни лазер ёрдамида сканерлаш учун самолётдан фойдаланади.

Федерал авиация бошқармасининг Ҳаво ҳаракатини бошқариш бошқармаси авиакомпания раҳбарларига аэропортга келадиган самолётлар сонини соатига 28 тадан 26 тагача камайтиришни тавсия қилди.

“Расмийлар Потомак дарёсидан жами 67 кишини олиб чиқди, улардан 66 нафарининг шахси аниқланди. Тиббий экспертиза идораси охирги қурбоннинг шахсини аниқлаш устида ишламоқда”, – деб хабар берди NBC News.

Аввалроқ Вашингтоннинг Рейган миллий аэропорти яқинида тижорат лайнери ва ҳарбий вертолёт қулагани хабар қилинганди.