Валюта айирбошлаш шохобчаларида доллар қанча тенгедан сотилмоқда

ALMATY. Кazinform - Астана ва Алматидаги валюта айирбошлаш шохобчаларида доллар 520-527 тенгедан сотилмоқда.

Миллий банкнинг расмий курсига кўра, 1 доллар - 522,49 тенге. Россия рублининг ўртача қиймати - 5,06 тенге. Евро – 547,88 тенге.

Kurs.kz хабарига кўра, айни дамда Алмати валюта айирбошлаш шохобчаларида доллар 521,5 тенгедан сотилмоқда, сотиб олиш курси эса 526,5 тенгени ташкил қилмоқда. Евро курси 547,5 - 554,5 тенге орасида ўзгариб туради.

Астанада долларнинг сотиш курси - 520 тенге, сотиб олиш нархи - 527 тенге. Евро 546 тенгедан сотилмоқда, 553 тенгедан сотиб олинмоқда.

Айни пайтда Россия рубли валютаайирбошлаш шохобчаларида 4,99 - 5,09 орасида сотилмоқда.

Эслатиб ўтамиз, 13 декабрь куни кечки савдолар якунларига кўра, долларнинг ўртача курси 0,10 тенгега пасайиб, 522,80 тенгени ташкил қилган.

Миллий банк базавий ставкани 15,25 фоизга оширди.

Миллий банк раиси Тимур Сулейменов доллар курсининг ўзгариши импорт қилинадиган товарлар нархига таъсир қилиши мумкинлигини айтди.

Миллий иқтисодиёт вазири Нурлан Байбазаровнинг сўзларига кўра, тенгенинг қадрсизланишига учта асосий омил таъсир кўрсатмоқда.

Муаллиф: Алма Муқанова