Ўзбекистоннинг учта маданий мероси ЮНЕСКО рўйхатига киритилди

Ўзбекистоннинг учта маданий мероси ЮНЕСКО рўйхатига киритилди
Фото: unesco.org

ЮНЕСКО Ҳукуматлараро қўмитасининг 18-сессиясида Ўзбекистондан учта номинация инсониятнинг номоддий маданий мероси репрезентатив рўйхатига киритилди, деб хабар беради Kazinform.

Ўзбекистон Маданият ва санъатни ривожлантириш жамғармаси томонидан тақдим этилган маълумотларга кўра, “Ўзбекистон кулолчилик санъати” номинацияси комиссия аъзолари томонидан юқори баҳоланди. Бу эса ҳунармандчиликнинг чуқур тарихга эгалиги, кулолчилик соҳасидаги билимларнинг авлоддан-авлодга ўтиб келаётганидан, уни асраб-авайлашда ёшлар фаол иштирок этаётганидан далолат беради.

“Кулолчилик Ўзбекистоннинг энг қадимий ва ноёб халқ амалий санъати саналади. Риштон, Бухоро, Гурумсарой, Тошкент, Хоразм, Самарқанд, Қашқадарё каби кулолчилик мактаблари кулолчиликнинг асосий марказларига айланди. Улар бир-биридан маҳсулот ясалиши, нақшлари, ранги ва шакллари билан ажралиб туради”, – дейди фонд вакиллари.

Ўзбекистоннинг учта маданий мероси ЮНЕСКО рўйхатига киритилди
Фото: unesco.org

Озарбайжон, Тожикистон, Туркия ва Эрон билан ҳамкорликда жорий қилинган яна иккита номинация – “Иллюминация санъати: Наккошлик” ва “Ифторлик ва унинг ижтимоий-маданий анъаналари”.

Ўзбекистоннинг учта маданий мероси ЮНЕСКО рўйхатига киритилди
Фото: unesco.org

“Янги номинациялар туфайли Ўзбекистон томонидан ЮНЕСКО ҳимояси остидаги номоддий меросга тақдим этилган элементлар сони 15 тага етди. Бу уларнинг цивилизация учун аҳамиятини кўрсатади. Бу, ўз навбатида, бой маданий меросни халқаро миқёсда тарғиб қилиш ва муҳофаза қилиш борасидаги муҳим қадамдир”, – дейилади жамғарма тақдим этган хабарда.

Эслатиб ўтамиз, ЮНЕСКО Бош конференсиясининг 2025 йилги сессияси Самарқандда бўлиб ўтади.

Сўнгги хабарлар
telegram