Ўзбекистонда 327 мингдан ортиқ МЧЖ фаолият юритмоқда

TASHKENT. Kazinform — Миллий статистика қўмитаси маълумотларига кўра, 2026 йилнинг 1 февраль ҳолатига Ўзбекистонда 415,2 мингта тижорат ташкилотлари фаолият юритмоқда.

Улардан 327,5 мингтаси масъулияти чекланган жамиятлар (МЧЖ) бўлиб, бу умумий корхоналар сонининг 78,9 фоизини ташкил этди.

Ташкилий-ҳуқуқий шакли бўйича корхоналар сони қуйидагича:

• Масъулияти чекланган жамият – 327 495 та (78,9 %);
• Хусусий корхоналар – 47 179 та (11,4 %);
• Оилавий корхоналар – 36 440 та (8,8 %);
• Акциядорлик жамияти – 634 та (0,1 %);
• Бошқалар – 3 436 та (0,8 %).

Эслатиб ўтамиз, Миллий статистика қўмитаси маълумотларига кўра, 2026 йилнинг 1 февраль ҳолатига Ўзбекистонда чет эл инвестициялари иштирокида жами 18 513 та корхоналар фаолият юритмоқда.