Уимблдон: Елена Рибакина чорак финалга йўлланма олди

LONDON. Kazinform - Қозоғистоннинг биринчи, дунёнинг 4- ракеткаси Елена Рибакина Уимблдон турнирининг чорак финалига чиқди.

Қозоғистонлик теннисчи тўртинчи турда дунё рейтингида 18-ўринда бораётган россиялик Анна Калинскаяга қарши маҳорат кўрсатди.

Бунгача рақиблар ўзаро тўрт марта тўқнаш келишган, ҳисоб тенглашган - 2:2. Бу сафар Калинская учрашувни брейк билан бошлади - 2:0. Бироқ Рибакина ҳисобни тенглаштирди ва ғалаба қозонди - 6:3.

Иккинчи ўйинда Елена 3:0 ҳисобида олдинга чиқиб олганидан кейин Калинская мусобақани давом эттиришдан бош тортди. Атиги 50 дақиқа давом этган баҳсда қозоғистонлик спортчи 7 та эйс амалга оширди ва 6 та брейк-пойнтдан 4 тасидан фойдаланди. Россиялик теннисчи 1 та эйс, 1 та брейк (3 брейк-пойнт) билан чекланди.

Елена Рибакина ярим финалга чиқиш учун дунёнинг 21- ракеткаси украиналик Элина Свитолина ёки 42-ўринни эгаллаб турган хитойлик Синью Ван билан рақобатлашади.