Туркияда қозоғистонлик талабалар қурултойи бўлиб ўтди
Туркиянинг Истанбул шаҳрида Қозоғистон талабаларининг қурултойи бўлиб ўтди, дея хабар беради Кazinform.
Қозоғистон Республикаси Ташқи ишлар вазирлигининг хабар беришича, тадбир Қозоғистоннинг Туркиядаги Элчихонаси ва Истанбулдаги Бош консуллиги кўмагида “Бирлик қозоқ ёшлари” талабалар ташкилоти томонидан ташкил этилди.
Жамғарманинг асосий мақсади бу йил Туркияда таҳсил олаётган ва ўқишни бошлаган ёшларни бир жойга тўплаш ва уларга йўл кўрсатишдир.
Учрашувда Қозоғистоннинг Истанбулдаги Бош консули Нуриддин Аманқул, жамоат арбоблари, қозоқ диаспораси фаоллари иштирок этди.
“Талабаларнинг аксарияти Истанбулга эндигина келган ёшлар, шунинг учун Бош консул Н. Аманқул уларни янги ўқув йили билан табриклаб, чет давлатда бўлиш қонунчилигига қатъий риоя қилишлари ҳақида огоҳлантирди. Шунингдек, талабаларга консуллик ҳар доим уларни қўллаб-қувватлаши айтилди ва келгусида биргаликда тадбирлар ўтказиш масаласи муҳокама қилинди”, — дейилади пресс-релизда.
