Туркистон вилоятида мактаблар сони 1 мингтага етди
Ўқув марказининг очилиш маросимида махсус иштирок этган Туркистон вилояти ҳокими Дархан Сатибалди ўқувчи ва ўқитувчиларни, маҳаллий аҳолини табриклаб, янги мактаб жамоасига муваффақиятлар тилади.
«Мамлакатимиздаги болаларнинг бешдан бир қисми Туркистон вилоятида туғилади. Айни пайтда вилоятимизда 700 мингдан ортиқ бола бор. 2400 га яқин таълим ташкилоти мавжуд. 2023-2025 йилларда 96 та мактабни босқичма-босқич қуриш режалаштирилган. Давлатимиз томонидан кўрсатилаётган бундай кўмак ўқитувчиларни руҳлантириб, ёш авлоднинг сифатли билим олишига ижобий таъсир қилади, деб ўйлайман»
, -дейди Дархан Сатибалди.
Сариағаш шаҳри, «Самал» кичик туманида барпо этилган мактаб 900 ўқувчига мўлжалланган. Ўқувчиларнинг билим олиши учун қулай шароитлар яратилган.
Кириш эшиги асфальтланган ва ободонлаштирилган. Мактабда кутубхонада 1 та ўқув зали, 1 та медиа хона мавжуд. Шунингдек, кимё, физика, меҳнат ва информатика кабинетлари замонавий жиҳозлар билан тўлиқ жиҳозланган.
Катта спорт зали, 300 ўринли ошхонаси мавжуд. 2 та тиббиёт хонаси махсус тиббий асбоб-ускуналар ва мебеллар билан жиҳозланган.
Ёнғин сигнализацияси ва видеокузатув камералари ўрнатилган.
Муаллиф: Қайрат Зайнишев
