Telegram Жанубий Корея расмийларидан узр сўради
ASTANA. Kazinform – Telegram вакиллари Жанубий Корея расмийларидан узр сўради, ишончни мустаҳкамлашга умид билдирди ва платформада тарқатилган шаҳвоний характердаги бир нечта дипфейк-видеоларни ўчириб ташлади, деб ёзади ТАСС.
Корея Республикасининг Телекоммуникация стандартлари комиссияси Telegramнинг Шарқий Осиё бўлими вакили комиссияга расмий мактуб йўллаб, вазиятдан афсусда эканлигини билдирди. У, шунингдек, “Telegramни фойдаланувчилар учун янада хавфсизроқ қилиш” учун комиссия билан ишончли муносабатлар ўрнатишга тайёрлигини билдирди.
Telegram Жанубий Корея расмийларига алоқа учун “янги эксклюзив электрон почта манзилини” тақдим этди. Платформа, шунингдек, унинг илтимосига биноан 25 та очиқ видеони олиб ташлаганини айтди. Жанубий Корея расмийлари, ўз навбатида, сайтда тақиқланган контент пайдо бўлишига яхшироқ жавоб бериш учун “ишонч телефони” яратилишига умид билдирди.
2 сентябрь куни Корея Республикаси полицияси Telegramда жинсий характердаги тақиқланган дипфейк-видеоматериалларни тарқатишга ёрдам берганликда гумонланиб, ички, дастлабки терговни бошлади.
22 август куни Жанубий Кореянинг «Хангёре» газетаси чат иштирокчилари шаҳвоний характердаги дипфейк-видеоларни яратган ва тарқатган Telegram каналлари ҳақида материал чоп этди. Бундай ҳолларда ҳуқуқбузарларнинг аксарияти вояга етмаганлардир. Қурбонлар ҳужумчиларнинг танишлари орасидан Корея Республикасининг оддий аҳолиси, жумладан ўсмирлар бўлган.
Эслатиб ўтамиз, Франция ОАВлари хабарига кўра, Павел Дуров 24 август куни Париждаги Ле-Бурже аэропортида болаларга қарши жиноятлар, гиёҳванд моддалар савдоси ва фирибгарликда айбланиб ҳибсга олинган.
Telegram жамоаси платформадаги суиистеъмоллик ҳақидаги даъволар бемаъни эканлигини айтди.
Telegram асосчиси Павел Дуровнинг акаси ҳам Францияда қидирилмоқда.
