Ролан Гаррос турнирининг соврин жамғармаси эълон қилинди
ASTANА.Кazinform – Асосий мусобақаси 25 май — 8 июнь орасида бўлиб ўтадиган бу йилги Франция очиқ чемпионатининг соврин жамғармаси 56,3 миллион евро эканлиги айтилмоқда.
Ролан Гаррос турнири ташкилотчиларининг фикрича, бу ўтган йилга нисбатан 5,21 фоиз ёки 2,87 миллион еврога кўп.
Маълумки, шу ҳафтада чимда ўтказиладиган Ролан Гарросга тайёргарлик кўриш мақсадида Европада мусобақалар бошланди. Ҳозирча қозоғистонлик Александр Бублик ва Александр Шевченко Мюнхенда (Германия) ўтказилган АТР 500 турнирида иштирок этишди. А.Бублик биринчи даврадан, А.Шевченко эса иккинчи даврадан ўта олмади.
Бу йилги Ролан Гарроснинг асосий турнирида қозоғистондан А. Бублик, аёллар ўртасида эса Елена Рибакина ва Юлия Путинцева иштирокчи сифатида рўйхатга олинган. Саралаш баҳсларида Александр Шевченко, Дмитрий Попко, Михаил Кукушкин ва Тимофей Скатов ҳам иштирок этишади.
Ўтган йили Парижда эркаклар ўртасида испаниялик Карлос Алькарас, аёллар ўртасида эса Польша вакили Ига Швентек ғолиб чиққан эди.
Эслатиб ўтамиз, аввалроқ Елена Рибакина жамоасига янги мураббий келиб қўшилгани ҳақида хабар берган эдик.
