Ролан Гаррос: Путинцева ва Данилина жуфтлик баҳсларини муваффақиятли ўтказди

ASTANА. Кazinform – Юлия Путинцева Париждаги Ролан Гаррос теннис турнирида бир кунда иккита учрашув ўтказди.

Қозоғистонлик теннисчи дастлаб яккалик баҳсларида тайпейлик Жоанна Гарлендни мағлуб этди.

Кейин жуфтлик баҳсида Юлия Путинцева канадалик Лейла Фернандес билан биргаликда руминиялик Моника Никулеску ва польшалик Катаржина Питерни 6:0, 6:2 ҳисобида мағлуб этди.

Ю. Путинцева ва Л.Фернандес 1/8 финалга чиқиш учун мусобақанинг 12-ракеткаси словакиялик Тереза Михаликова — британиялик Оливия Николлс билан куч синашади.

Шунингдек, аралаш жуфтлик баҳсларида Анна Данилина финляндиялик Харри Хелиоваара билан биргаликда биринчи даврада австралиялик Сторм Сандерс — бельгиялик Сандер Жиллесни 6:3, 6:4 ҳисобида мағлуб этди.

Қозоғистон – Финляндия жуфтлиги чорак финалга чиқиш учун британиялик Оливия Николлс — Генри Паттен жуфтлиги билан беллашади.

А.Данилина – Х.Хелиоваара 2023 йилда аралаш жуфтликлар бўйича АҚШ чемпиони бўлган.

Эслатиб ўтамиз, аввалроқ Рибакина Ролан Гарроснинг 3-босқичида 2017 йил чемпионига қарши ўйнаши ҳақида хабар берган эдик.