Прогноз - 2030 йилда Қозоғистонда меҳнатга лаёқатли аҳолининг 80 фоизини ёшлар ташкил қилади

NUR-SULTAN. Кazinform – 2030 йилда Қозоғистоннинг меҳнатга лаёқатли аҳолисининг 80 фоизини 30 ёшгача бўлган ёшлар ташкил қилади. Бу прогнозни ҚР Бош вазири Алихан Смаилов айтди, деб хабар беради Кazinform мухбири.

«Ҳозир Ҳукуматнинг диққат марказида бандлик. Маълумки, 2000 йилдан буён 300-400 минг бола туғилди, мамлакатда демографик вазият яхшиланди. Энди уларнинг энг катталари меҳнатга лаёқатли ёшга етиб, ишчи кучининг 60 фоизини ташкил этади, 2030 йилга келиб уларнинг улуши 80 фоизга етади. Яъни, ҳар йили ёшлар учун 1 миллионга яқин иш ўрни яратилиши керак», — деб ёзади Алихан Смаилов депутатлик сўровига жавобан.

Унга кўра, фуқароларни муваффақиятли ишга жойлаштириш учун тенг бошланғич шароитларни яратиш мақсадида турли механизмлар кўриб чиқилмоқда.

Шу жумладан:

ҳар йили 100 мингга яқин ёшларнинг ишлаб чиқаришда бандлиги;

Жамбил вилоятида тажриба лойиҳаси асосида қишлоқ ёшларини кооперативлар орқали яшаш жойидаги оммавий ишларга жалб этиш;

«Диплом билан қишлоққа» ва «Ёшлар амалиёти» дастурларини қайта кўриб чиқиш орқали ҳудудларга жалб этилган ёшларга иш ҳақига қўшимчалар ва табақалаштирилган ижтимоий пакетни тақдим этиш;

ёшларнинг тадбиркорлик ташаббусларини қўллаб-қувватлаш учун грантлар ажратиш. Жорий йилда ёшлар учун 1,2 миллион тенге миқдоридаги 10 мингта грант кўриб чиқилмоқда;

мактаб битирувчилари ва Миллий ягона тестни топширмаган шахсларни иш берувчилар билан биргаликда «Биринчи иш» дастури доирасида ишга жойлаштириш.

«Кўриб чиқилаётган чора-тадбирлар ёшларни иш билан таъминлаш ва бандлигини таъминлаш муаммоларини ҳал этишга хизмат қилади», — дея хулоса қилди Бош вазир.

Муаллиф: Азамат Сиздиқбаев