Парадзюдо бўйича Осиё чемпионатига Қозоғистон мезбонлик қилади
Қозоғистон парадзюдо федерацияси матбуот хизмати хабарига кўра, қитъа чемпионатида Осиёнинг 11 давлатидан 80 нафардан ортиқ татами усталари иштирок этади.
Мазкур мусобақада Қозоғистон терма жамоасидан J1 ва J2 тоифасидаги 22 нафар дзюдочи куч синашади.
Парадзюдо бўйича Қозоғистон терма жамоаси бош мураббийи Жандос Қияновнинг айтишича, Осиё чемпионатига тайёргарлик қизғин давом этмоқда. Айни пайтда жамоа мусобақа олдидан Алмати шаҳрида сўнгги йиғинда ўз маҳоратини оширишга киришган. Осиё чемпионатида иштирок этаётган спортчилар орасида тажрибали полвонлар ҳам, ёш спортчилар ҳам бор.
«Бу йил Чимкентда бўлиб ўтган Қозоғистон кубогида янги номлар саралаб олинди ва терма жамоа тузилди. Бу J1 тоифасидаги кўзи ожиз курашчилар ўртасидаги биринчи Осиё чемпионати бўлади. Қитъа миқёсидаги мусобақа мамлакатимизда бўлиб ўтиши боис, масъулият жуда юқори. Спортчиларимизнинг жисмоний ва руҳий ҳолати яхши. Терма жамоадаги ҳар бир спортчи пойтахтимизда ўтказиладиган мусобақада самарали кураш олиб, юрт шарафини муносиб ҳимоя қилишига ишонаман», – дейди Ж. Қиянов.
Осиё чемпионати Астана шаҳридаги Жақсилиқ Ушкемпиров номидаги жанг санъатлари саройида бўлиб ўтади.
Парадзюдо бўйича Осиё чемпионатида иштирок этувчи Қозоғистон терма жамоасининг рўйхати қуйида келтирилган:
Аёллар
J2 -48 кг: Ақмарал Науатбек
J1 -57 кг: Альфия Тилекқабил, Дилором Диханова
J2 -57 кг: Даяна Федосова
J1 -70 кг: Динара Куджулова
J2 -70 кг: Диана Бўлекова
J1 +70 кг: Зауре Айтек.
Эркаклар
J1 -60 кг: Мурат Мадинов, Темирболат Ташекенов
J2 -60 кг: Ануар Сариев
J1 -73 кг: Ерғали Шамей, Асилан Нурдаулетов
J2 -73 кг: Олжас Оразалиули, Азамат Нокушев
J1 -90 кг: Абилай Адилбеков, Бауржан Аристанбеков
J2 -90 кг: Жанбота Аманжол, Ғалимжан Смағулули
J1 +90 кг: Ерлан Ўтепов, Бағлан Оналбек
J2 +90 кг: Ерлан Конкиев, Талгат Ажиғалиев.
Эслатиб ўтамиз, аввалроқ дзюдо бўйича жаҳон чемпионатида иштирок этувчи Қозоғистон терма жамоаси аниқлангани ҳақида хабар берган эдик.
Муаллиф:Ғайсағали Сейтақ
