Наркобарон Фабио Очоа 25 йиллик қамоқдан кейин озодликка чиқди

ASTANA. Kazinform - Колумбиянинг энг машҳур наркобаронларидан бири ва Медельин картелининг асосий шахси АҚШда 30 йиллик қамоқ жазосининг 25 йилини ўтаб, Жанубий Америкага қайтариб юборилди, дея хабар беради Кazinform агентлиги CNNга таяниб.

Очоа душанба куни Боготадаги Эль-Дорадо аэропортига етиб борди. Самолётдан чиққанидан кейин картелнинг собиқ раҳбарини иммиграция хизмати ходимлари кутиб олишди. Воқеа жойида полициячилар бўлмаган.

Колумбия иммиграция хизмати Х ижтимоий тармоғида қисқа баёнот эълон қилди ва расмийлар унинг бармоқ изларини олиб, маълумотлар базаси орқали Колумбия ҳукумати томонидан қидирилмаганлигини тасдиқлаганидан сўнг, Очоа "оиласига қўшилиш учун қўйиб юборилди" деб айтди.

67 ёшли Очоа 1970 йилларнинг охири ва 1980 йилларнинг бошларида, АҚШга кокаин кўп миқдорда кириб кела бошлаганда, икки акаси билан бирга бойлик орттирган. Америка расмийларига кўра, 1987 йилга келиб уларнинг номлари Forbes журналининг миллиардерлар рўйхатида пайдо бўлган.

Майамида яшаб, Очоа илгари Пабло Эскобар бошчилигидаги кокаин картелининг тарқатиш марказини бошқарган. Эскобар 1993 йилда Медельинда расмийлар билан отишмада ўлдирилган.

Очоа биринчи марта АҚШда 1986 йилда Барри Силанинг ўлдирилишига алоқадорликда айбланган. Сила америкалик учувчи бўлган, у Медельин картели учун кокаин ташиган, аммо кейинчалик Наркотикларга қарши кураш бошқармасининг маълумот берувчиси бўлган.

1990 йилларнинг бошларида Очоа икки акаси Хуан Давид ва Хорхе Луис билан биргаликда Колумбия ҳукуматига таслим бўлиб, АҚШга экстрадиция қилишдан қочди. Ака-ука 1996 йилда қамоқдан озод қилинди, аммо Очоа яна уч йилдан сўнг гиёҳванд моддалар савдоси учун ҳибсга олинди. 2001 йилда у Майамидаги гиёҳванд моддалар контрабандаси фитнасига алоқадорликда айбланиб, АҚШга экстрадиция қилинган.

У судга келган ягона гумондор эди ва айбдор деб топилиб, 30 йиллик қамоқ жазосига ҳукм қилинди. Қолган айбланувчилар ҳукумат билан ҳамкорлик қилгани учун анча енгилроқ жазо олди.

Ўшандан бери Очоанинг номи иккинчи ўринга тушди ва ўз ўрнини ҳозирда глобал наркотик савдоси саҳнасида ҳукмронлик қилаётган мексикалик наркобаронларга берди.

Бироқ, Медельин картелининг собиқ аъзоси яқинда Netflixнинг «Грисельда» сериялида суратга тушди, у ерда у биринчи навбатда Майамидаги кокаин бозорини назорат қилиш учун ташаббускор Грисельда Бланкога дуч келади ва кейин у билан иттифоқ тузади.

Очоа, шунингдек, Netflixнинг «Нарко» сериалидада Медельиндаги отчилик ва чорвачилик билан шуғулланувчи элита оиласининг кенжа ўғли сифатида тасвирланган, бу Эскобарнинг камтарона келиб чиқишидан кескин фарқ қилади.

Очоа иши бўйича жиноий иш юритган АҚШ адвокатининг собиқ ёрдамчиси Ричард Грегорининг айтишича, расмийлар Очоа оиласининг ноқонуний йўл билан орттирилган барча даромадларини ҳеч қачон тортиб ололмаган.

Эслатиб ўтамиз, Колумбия мамлакат ялпи ички маҳсулотини сунъий интеллект ёрдамида оширмоқчи экани ҳақида ёзган эдик.