Мьянмадаги зилзила: 6000 дан ортиқ мобил телефон станцияси шикастланган

ASTANA. Kazinform - Мьянмада 28 март куни рўй берган вайронкор зилзила 6730 та мобил телефон станциясига зарар етказди, дея хабар беради Xinhua агентлиги Тhе Мirror давлат газетасига таяниб.

6 апрель ҳолатига кўра, 5999 та станция қайта тикланди, 731 та станция таъмирланмоқда.

— 31 март куни Мьянмада зилзила туфайли ёпилган 15 та почта бўлими ўз фаолиятини тиклади, — дейилади хабарда.

Ўтган ой Мьянмада 7,9 магнитудали даҳшатли зилзила содир бўлган эди. Сешанба куни маҳаллий вақт билан соат 6:00 ҳолатига кўра, табиий офат туфайли 3645 киши ҳалок бўлган, 5017 киши жароҳатланган ва 148 киши бедарак йўқолган, дея хабар беради Давлат маъмурий кенгаши ахборот гуруҳи.

Эслатиб ўтамиз, Мьянмадаги зилзиладан кейин 40 даража иссиқ ҳаво қутқарув ишларини мураккаблаштиргани ҳақида ёзган эдик.

28 март куни содир бўлган даҳшатли зилзиладан сўнг ёпилган Янгон-Мандалай темир йўл линияси ва Мандалай халқаро аэропорти қайта очилди.

Ўтган куни Мьянмада яна зилзила содир бўлди.