Муроджон Аҳмадалиев - вақтинчалик WBA чемпиони

TASHKENT. Kazinform - Монте-Карлода профессионал бокс турнири якунига етди, деб хабар беради Kazinform Ўзбекистон профессионал бокс федерациясига таяниб.

Оқшомнинг асосий жангида ярим енгил вазн тоифасида собиқ жаҳон чемпиони Муроджон Аҳмадалиев (13-1, 10 КО) мексикалик Рикардо Эспиноса Франко (30-5, 25 КО)га қарши рингга кўтарилди.

Ўн икки раундлик жанг вақтинчалик WBA чемпионлик камари учун кечди.

Муроджон учинчи раунддаёқ рақибини нокаутга учратди.

 

 

Эслатиб ўтамиз, Муроджон Аҳмадалиев вақтинчалик WBA камари учун жанг қилиши ҳақида хабар берган эдик.

Шунингдек, Муроджон Аҳмадалиев иштирокидаги бокс оқшомининг расмий промо ролиги намойиш этилди.