Михаил Кукушкин Уимблдон турнирининг саралаш баҳсларини муваффақиятли бошлади

LONDON. Kazinform - Қозоғистонлик теннисчи, дунёнинг 132-ракеткаси Михаил Кукушкин майсазорда Уимблдон турнири саралаш баҳсларини муваффақиятли бошлади.

Саралаш баҳсида 27-ракетка сифатида қайд этилган қозоғистонлик теннисчи илк учрашувини жаҳон рейтингида 278-ўринни эгаллаб турган украиналик Виталий Сачкога қарши ўтказди.

1 соат 15 дақиқа давом этган баҳсда Кукушкин ҳар икки сетда ҳам 6:3 ҳисобида зафар қучди. У 3 та эйс билан бирга 7 та брейк-пойнтдан 4 тасини фойдаланди. Сачко 2 та эйс, 1 та брейк билан чекланди.

Михаил Кукушкин саралаш баҳсларининг ярим финалида дунёнинг 152-ракеткаси, франциялик Бенжамин Бонзи ва 266-ракетка америкалик Райан Пенистон ўртасидаги ўйин ғолиби билан учрашади.