Миллий сув ресурслари ахборот тизими ишлаб чиқилмоқда
ASTANА. Кazinform – Миллий сув ресурслари ахборот тизими сув объектлари ҳақидаги маълумотларни бирлаштиради. Бу ҳақда Қозоғистон Республикаси Сув ресурслари ва ирригация вазири Нуржан Нуржигитов маълум қилди.
– Вазирлигимиз йил бошидан буён Евроосиё тараққиёт банкининг “Рақамли ташаббуслар” жамғармаси гранти ҳисобидан сув ресурслари миллий ахборот тизимини ишлаб чиқмоқда. Ушбу платформа ягона рақамли муҳит сифатида ишлайди ва сув иншоотлари ҳақидаги маълумотларни бирлаштиради. Бунга сунъий йўлдош мониторинги, сенсорлар ва ҳисоблагичлар, гидропостлар, тезкор ҳисоботлар ва саноат статистикаси киради. Бундан ташқари, суғориш тармоқлари ва сув ресурсларини ҳисобга олишни автоматлаштириш ишлари олиб борилмоқда, — деди Нуржан Нуржигитов Ҳукумат йиғилишида.
Вазир томонидан тақдим этилган маълумотларга кўра, бугунги кунда 3,5 минг километрдан ортиқ ирригация инфратузилмасини модернизация ва рақамлаштириш мақсадида босқичма-босқич автоматлаштириш ишлари олиб борилмоқда.
– Хусусан, жорий йилда Қизилўрда вилоятидаги 58 гидроэлектр станцияси сувни автоматик ҳисобга олиш мосламалари билан жиҳозланмоқда. Бундан ташқари, Туркистон, Жамбил, Қизилўрда, Алмати ва Жетису вилоятларида умумий узунлиги 5 минг километрдан ортиқ бўлган суғориш тармоқларини рақамлаштириш бўйича лойиҳа-смета ҳужжатлари ишлаб чиқилмоқда, – деди у.
