Қозоғистонлик тўрт нафар теннисчи WТА рейтингида кўтарилди

Тўрт нафар қозоғистонлик теннисчи WТА рейтингида ўз ўрнини яхшилади, дея хабар беради Kazinform агентлиги Sports.kzга таяниб.

Яккалик баҳсларида Қозоғистоннинг иккинчи ракеткаси Юлия Путинцева икки поғона юқорилаб, 66-ўринни эгаллаб турибди. Жибек Қуламбаева уч поғона юқорига кўтарилди – энди у 471-ўринда. Аружан Сағиндиқова ҳам ўз позициясини бироз яхшилади – у икки поғонага кўтарилиб, 792-ўринни эгаллаб турибди.

Қозоғистонлик аёлларнинг жуфтликлар рейтингидаги ўрнига келсак, янгиланган рейтингда Юлия Путинцева (+1, 339-ўрин), Аружан Сағиндиқова (+5, 953-ўрин) ва Татьяна Николенко (+16, 1233-ўрин) кўтарилди.