Қозоғистонлик теннисчиларнинг янгиланган WTA рейтингидаги ўрни аниқланди

ASTANA. Kazinform – Аёллар теннис ассоциацияси (WTA) яккалик ва жуфтлик баҳсларида спортчиларнинг янгиланган рейтингини тақдим этди, дея хабар беради Kazinform Sports.kzга таяниб.

Кучли учлик ўзгаришсиз қолди: рўйхатни польшалик Ига Свитек бошқармоқда, тунислик теннисчи Онс Джабер иккинчи, америкалик Джессика Пегула учинчи ўринда.

Қозоғистоннинг биринчи ракеткаси Елена Рибакина айни дамда 22-ўринда бормоқда. Юлия Путинцева бир поғона пастлаб, 54-ўринни эгаллади.

Жуфтлик баҳсларида Катерина Синякова (Чехия), америкалик Коко Гауфф ва юқорида тилга олинган Пегула энг яхши деб топилди.

Қозоғистонлик аёллар ўртасидаги жуфтлик рейтинги пешқадами Анна Данилина 12-ўринни сақлаб қолди. Жибек Қуламбаева 20 поғона пастлаб, 205-ўринни эгаллади. Путинцева 316-ўринда (+7), Рибакина 12 поғона орқада ва 443-ўринда кўринмоқда.

Фото: sports.kz