Қозоғистонлик теннисчиларнинг АТР жаҳон рейтингидаги ўринлари маълум бўлди

ASTANA. Kazinform - Профессионал теннисчилар уюшмаси (АТР) яккалик ва жуфтлик баҳсларида спортчилар рейтингининг сўнгги версиясини эълон қилди, дея хабар беради Kazinform агентлиги Sports.kzга таяниб.

Кучли учлик ўзгаришсиз қолди: италиялик Янник Синнер пешқадамлик қилмоқда, германиялик Александр Зверев ва испаниялик теннисчи Карлос Алькарас кейинги ўринларни эгаллаган.

Қозоғистоннинг биринчи ракеткаси Александр Бублик бир поғона юқорилаб, 48-ўринга кўтарилди.

Александр Шевченко олти поғонани йўқотди - 88-ўрин.

Михаил Кукушкин икки поғона юқорилаб, 110-ўринни эгаллади.

Тимофей Скатов уч поғонага кўтарилиб, 199-ўринни эгаллаб, кучли 200 таликка қайтди.

Жуфтлик баҳсларида биринчи ўринни сальвадорлик Марсело Аревало эгаллади ва хорватиялик Мате Павич иккинчи, британиялик Генри Паттен учинчи ўринга жойлашди.

Қозоғистон вакили Александр Недовесов икки поғона пастлаб, 64-ўринни эгаллаб турибди. Бублик ҳам худди шундай ўринни йўқотиб, 117-ўринга тушиб кетди.

Эслатиб ўтамиз, аввалроқ қозоғистонлик аёл теннисчиларнинг рейтингдаги ўринлари ҳақида хабар берган эдик.