Қозоғистонлик Кирилл Герасименко АҚШда ўтказилган стол тенниси мусобақасида ғолиб чиқди
ASTANА. KAZINFORM - Қозоғистонлик Кирилл Герасименко АҚШда стол тенниси бўйича ўтказилган WTT Feeder Corpus Christi 2024 халқаро турнирида ғолиб чиқди.
Olympic.kz сайтида хабар қилинганидек, Қозоғистон жамоасининг энг яхши ўйинчиси тўртта рақиб устидан ғалаба қозонди.
Хусусан, Кирилл Герасименко америкалик Кай Чжанни 3:1, ҳиндистонлик Хармит Десайни 3:1, германиялик Штеффен Менгелни 3:1, португалиялик Жоао Монтейруни 3:2 ҳисобида енгиб, олтин медални қўлга киритди.
“Мақсад ушбу турнирда биринчи ўринни эгаллаш ва WTT Champions турнирида иштирок этиш учун рейтинг очколарини тўплаш эди. Бу очколар Париж Олимпиадасига саралаш даврида ҳам муҳим аҳамиятга эга. Бу ерда ўзимга бўлган ишонч туфайли кучли спортчилар устидан ғалаба қозондим”, — деди Кирилл Герасименко.
