Қозоғистонлик ҳакам ХТФнинг махсус мукофотига сазовор бўлди
Қозоғистонлик ҳакам Меруерт Каукеева Халқаро теннис федерацияси (ITF)нинг махсус мукофотига сазовор бўлди, деб хабар беради Каzinform.
Қозоғистон теннис федерациясидан маълум қилишларича, М.Каукеева Испаниянинг Севилья шаҳрида ўтказилган Билли Жин Кинг кубогининг финал босқичида подиум ҳаками сифатида ишлаган.
Ташкилотчилар қозоғистонлик ҳакамга махсус эсдалик медалини топширди.
Шундай қилиб, жамоавий жаҳон чемпионатида нафақат қозоғистонлик теннисчилар иштирок этишди. У ерда ҳакам ҳам бор эди.
Қозоғистонда ҳакамликни ривожлантириш дастури икки йўналишда амалга оширилмоқда. Биринчиси, янги кадрларни жалб қилиш орқали миллий тоифадаги ҳакамларни тайёрлаш. Иккинчиси, халқаро даражадаги ҳакамларни тайёрлаш. Сўнгги йилларда Юлия Игнатченко ва Меруерт Каукеева Silver badge ва Bronze badge тоифаларида халқаро ҳакамлар бўлди. 2020 йилда Юлия ва Меруерт WТА нинг энг иқтидорли аёл ҳакамлар жамоаси аъзоси бўлишди.
