Қозоғистонда коррупционерлардан ундирилган маблағлар ҳисобидан яна 28 та мактаб қурилади
ASTANA. Kazinform - Таълим инфратузилмасини қўллаб-қувватлаш жамғармаси маблағлари ҳисобидан 22 минг ўқувчи ўринли яна 28 та янги мактаб қурилади, дея хабар беради Kazinform агентлиги ҚР Таълим-маориф вазирлиги матбуот хизматига таяниб.
Жамғарма Давлат раҳбари топшириғига биноан ташкил этилган бўлиб, коррупционерлардан ундирилган маблағлар билан тўлдирилмоқда. Унинг асосий мақсади таълим муассасаларини қуриш, реконструкция қилиш ва кенгайтириш ҳисобига мактаблар юкламасини камайтириш, эскирган биноларни бартараф этишдан иборат.
– Давлат томонидан фарзандларимиз учун қулай шароит яратишга алоҳида эътибор қаратилмоқда. Бугунги кунга қадар 74,4 минг ўринли 61 та мактаб фойдаланишга топширилди, шундан 29 таси қишлоқ жойларда жойлашган, – деди Инфратузилмани ривожлантириш департаменти бошлиғи Жайиқ Махсутов.
2024 йилда 25 та янги мактаб қурилди, уларнинг аксарияти пойтахтда, шунингдек, Манғистау, Алмати ва Жамбил вилоятларида жойлашган. Барча таълим муассасалари қулай таълим олиш учун замонавий жиҳозлар билан таъминланган.
Таълим инфратузилмасини қўллаб-қувватлаш жамғармаси маблағлари ҳисобидан қарийб 100 минг ўқувчи ўринга мўлжалланган 89 та мактаб қурилиши молиялаштирилди.
Эслатиб ўтамиз, аввалроқ Астанада 24 та қулай мактаб қурилиши ҳақида хабар берган эдик.
