Қозоғистонда грант асосида таҳсил олган ёшлар туманлардаги лавозимларга танловсиз тайинланади

None
ASTANA. Kazinform – Қозоғистонда жорий йилдан бошлаб олий таълимни давлат гранти асосида тамомлаган битирувчилар туманларда қуйи лавозимларга танловдан ўтмасдан тайинланади. Бу ҳақда Давлат хизматлари агентлиги раиси Дархан Жазиқбаев маълум қилди, дея хабар беради Kazinform мухбири.

«Давлат раҳбари давлат хизматига киришда ортиқча тўсиқларни бартараф этиш, давлат хизматидан чиқиш тартибини соддалаштириш бўйича кўрсатмалар берди. Шу муносабат билан қонунга ўзгартиришлар киритилди. Аввало, таълим муассасаларини давлат гранти асосида тамомлаган битирувчиларимиз танлов асосида танловсиз бевосита туман ва қишлоқлардаги қуйи лавозимларга тайинланади», — деди агентликнинг кенгайтирилган ҳайъат йиғилишида.

Унинг сўзларига кўра, бу малакали ёшларни давлат хизматига рағбатлантириш, ёш мутахассисларни туман ва қишлоқларга қайтариш, шунингдек, ҳудудларда кадрлар тақчиллигини камайтириш, давлат хизматига киришни осонлаштириш имконини беради.

«Ушбу қонун қабул қилинди. Бу йилги битирувчилар шу тамойил бўйича иш билан таъминланади», — деди Дархан Жазиқбаев.

Муаллиф: Марлан Жиембай


Сўнгги хабарлар